الرئيسية | من نحن | راسلنا    Wednesday, October 24, 2018
 

بدّك تتنصّل من واجباتك الوطنيّة… مدّد

نشر في 2013-05-28 | Email This Post Email This Post | اطبع هذه الصفحة اطبع هذه الصفحة

images (1)

بدّك تتنصّل من واجباتك الوطنيّة…مدّد
بدّك الأسير بصيدا…مدّد
بدّك رفعت عيد بطرابلس…مدّد
بدّك مناوشات جبل محسن وباب التبانة…مدّد
بدّك اعتصام الأساتذة…مدّد
بدّك قطع طريق من مياومين شركة الكهربا…مدّد
بدّك مظاهرات أهالي المخطوفين بـ “أعزاز”…مدّد
بدّك ماتش شانفيل-رياضي بوسطة عين الرمّانة تانية…مدّد
بدّك نايب يوزّع حفاضات وحليب…مدّد
بدّك حزب الله ينصر القُصَير…مدّد
بدّك ما تحلم بتعيينات بالدولة…مدّد
بدّك جيش ما يتحرّك بلا غطا (كإنّو رايح ينام) …مدّد
بدّك جيش يستشهد بعرسال (ولا مين شاف ولا مين دري)…مدّد
بدّك جنبلاط بيضة قبّان، يوم معك يوم عليك…مدّد
بدّك برّي رئيس مجلس غير منتهي الصلاحيّة…مدّد
بدّك خطف من نصّ البيت…مدّد
بدّك متّهمين يضهرو بكفالات ماليّة…مدّد
بدّك مرت نديم قطيش تاخذ قرار اقتحام السرايا…مدّد
بدّك وزير خارجية يفتح ع حسابو بالجامعة العربية…مدّد
بدّك وزير داخلية ندّابة وردّادة…مدّد
بدّك بنايات توقع على سكّانها…مدّد
بدّك دول مانعة التأشيرات عن اللبنانيّين…مدّد
بدّك حكومة رئيسها ضدّ وزرائها، وأعضاءها أو معارضة أو “وسطيين” بس مش موالاة…مدّد
بدّك رئيس أكبر كتلة نيابيّة بالاغتراب…مدّد
وأكيد بعد بدّك مشكلة الكهربا والميّ والعجقة والمحسوبيات والوسايط والفلتان الأمني…وإلاّ ما كنت انتخبت يلي انتخبتن
بدّك كل هول…مدّد
مدّد بس حاجي تنقّ
ف كما تكونون يا تسلملي يولّى عليكم

 

فقرة فشة خلق بقلم نادين عبد النور

No comments yet... Be the first to leave a reply!

Leave a Reply