الرئيسية | من نحن | راسلنا    Wednesday, September 20, 2017
 
  • 125 الدفاع المدني
  • 140 الصليب الاحمر
  • 175 فوج الاطفاء
    • من هو فنانك المفضّل؟

      View Results

      جاري التحميل ... جاري التحميل ...
  • حبيب يونس يتذكر سعيد عقل في ذكرى عيد ميلاده بقصيدة

    نشر في 2015-07-04 | Email This Post Email This Post | اطبع هذه الصفحة اطبع هذه الصفحة

    4 تموز عيد ميلاد سعيد عقل…

    habib said akl
    مينْ قال رَحْ بِتْطَوِّل غْيابَكْ
    ***
    صَقْعِةْ جبينَكْ
    مِتْل جَمْر الشِّعْر بِكْتابَكْ
    كِلّا دَفا
    غْيابَكْ غَفا
    ما تْطَوِّل غْيابَكْ…
    صار الْحِلِمْ أَرْض وْتِعِبْ
    أَلله كتير يْبَرِّما
    عَ إِصْبَعو
    وْتِعْبِتْ مَعو.
    حَطّا، دقيقا، يْرَيِّحا
    عَ شَمْختَكْ
    ويوَقِّفا.
    رْتاحِتْ ورِجْعِتْ تِبْرُم
    وْشِفْتا مِتِلْ شِحّاد
    وِجّو دْموع
    وِمْجَرْوَحْ وشو مَوْجوع
    مِنْ كِتْر الْحَفا.
    نادى جبينَكْ هَـ الْأَرِضْ
    قَلّا… الشِّفا
    آخِرْ قَصيدي أَلَّفا
    غيابَكْ… ولَفّا بْغِرّتَكْ
    هـ الْغافيي بْتابوتَك
    وْهَـ الْعاليي
    بْتِشْمَخْ كَأَنّا قَنْطَرا
    وْمِتْل الْكَأَنّو بْعَلْبَكات مْرايتَكْ…
    وِبْعِطْر باقي مِنْ ديوانَكْ
    قَطَّب جبينَكْ جروح الْأَرْض،
    وِبْنِبْلو رِتي الدَّمْعا،
    وْقَصايِدْ مُسْتَحيلَكْ قَطَّفا،
    وْشَكّا عقود عْقود
    عَ صَدْرا،
    وْقَوافي غِرّتَكْ
    يا جْبين عالي، ضَيَّفا.
    يا مْعَلِّم
    وْمينْ قال رَحْ بِتْطَوِّل غْيابَكْ
    هَيْدي الْأَرِضْ زَهْرا
    وعِطْرا دَقّ عَ بابَكْ
    وِنْ إِنْت ما فْتَحْتو
    وطَلِّتْ قامتَكْ،
    رَحْ يِفْتَحو كْتابَكْ.

    حبيب يونس
    16 – 12 – 2014

    One Response to “حبيب يونس يتذكر سعيد عقل في ذكرى عيد ميلاده بقصيدة”

    1. Imad A. Aoun يوليو 4, 2015

      Thank you Habib for remembering our Greatest Man….he is & will remain Unique in his Kind !!!

      رد

    Leave a Reply